कञ्चन ज्योतिले गर्यो,हरितालिका तिजको अवसरमा सांस्कृतिक कार्यक्रम

टिकाराम बास्तोला

बिर्तामोड झापा / झापाको बाह्रदशी गाउपालिका घोडामारा मा रहेको कञ्चन ज्योति अंग्रेजी माद्यामिक विद्यालयले हरितालिका तिजको अवसरमा विशेष सांस्कृतिक कार्यक्रमको आयोजना गरेको छ। आज मङ्गलबार, १८ गते सम्पन्न भएको कार्यक्रममा विद्यार्थीहरूले विविध सांस्कृतिक प्रस्तुतीकरण गर्दै तिज पर्वलाई उल्लासमय बनाएका थिए।

कार्यक्रममा विद्यार्थीहरूले तिजका परम्परागत गीतहरूमा नृत्य प्रस्तुत गरेका थिए भने विभिन्न नाटक, कवितापाठ, र गीति प्रस्तुतिहरू समेत गरेका थिए। विद्यालयका प्रधानाध्यापकले तिजको महत्त्वबारे प्रकाश पार्दै विद्यार्थीलगायत सबैलाई शुभकामना व्यक्त गरेका थिए।

कार्यक्रममा विद्यार्थी, अभिभावक, र शिक्षकहरूको उल्लेखनीय सहभागिता रहेको थियो, जसले तिज पर्वको रौनकलाई अझै बढाएको थियो। कार्यक्रमको अन्त्यमा सहभागीहरूलाई विद्यालयको तर्फबाट धन्यवाद ज्ञापन गरिएको थियो।