टीकाराम बास्तोला

झापाको बिर्तामोड – ३ स्थित विराट पोखरको दक्षिण भेगमा रहेको ‘ श्रीमान , श्रीमती चटपटे पसल’ अहिले स्थानीय स्तरमै मात्रै होइन, बिस्तारै प्रेरणाको उदाहरण बन्दै गएको छ। यो चटपटे पसल ३६ वर्षीय सुरज राजवंशी र उनकी ३३ वर्षीया श्रीमती आरती राजवंशीको संयुक्त मेहनतको फल हो।

चार वर्ष कुबेत र कतारमा श्रमिकको रूपमा काम गरेर फर्किएका सुरजले गाउँमै केही गर्ने दृढ संकल्पसाथ तीनचक्के ठेलाबाट व्यवसाय सुरु गरेको बताएका छन । बिर्तामोड झापा डट कम सँग कुरा गर्दै सुरज भन्छन “सुरुवातमा जम्मा १० हजार रुपैयाँको लगानी र दैनिक १०० रुपैयाँजति मात्रको बिक्री हुँदै आएको थियो ।तर यो व्यवसाय अहिले दैनिक २,००० रुपैयाँभन्दा बढी आम्दानि हुदै आएको छ ।”

“हामि भन्दा पहिले यहा गाउका अरु मानिसले सम्मेत पसल गरे तर टिकाउ हुन सकेन। त्यस पछि हामिले सुरु गरिम शुरुमा त निक्कै गाह्रो भएको थियो। तर आज त्यही पसलले परिवार धानेको मात्रै होइन, आफैंमा उदाहरण बन्न सकेको छु,” सुरज भन्छन्।

सुरजले आफ्नी श्रीमती आरतीसँग मिलेर पसल सञ्चालन गर्दै आएका छन्। ‘श्रीमन्,श्रीमती चटपटे पसल’ भन्ने नाम नै उनीहरूको सहकार्यको प्रतीक बनेको छ।

दुवै जना मिलेर ग्राहकको स्वाद र राम्रो सेवा र मुस्कानसहितको व्यवहारमा विश्वास राख्छन। सुरज भन्छन“ यदि हामिले काम सानो ठुलो नभनि केहि गर्ने हो भने हाम्रो देशमा नै केहि गर्न सकिन्छ र महिनाको ३०,४० हजारकै लागि विदेशिनु पर्दैन आफ्नै देशमा केहि गर्न सकिन्छ ।