Advertisement

गौरादह : (नेपाल विद्यार्थी संघ) नेविसंघ गौरादह नगर समितिले आर्थिक अवस्था कमजोर भएका साथै जेहेन्दार विद्यार्थीहरूलाई न्यानो कपडा वितरण गरेको छ। गौरादह नगरपालिका भित्र रहेका तिन वटा सामुदायिक विद्यालयका २ चरण गरी ८० न्यानो कपडा वितरण गरिएको नेविसंघ गौरादहका सभापति कविन्द्र चुँडालले जानकारी दिए। गौरादह वडा नं.४ स्थित भिमसेन प्रा. वि., जनज्योति प्रा. वि. र गौरादह वडा नं.८ मा अवस्थित अरुणोदय प्रा.वि मा न्यानो कपडा वितरण गरिएको थियो l

यसैबीच केहि दिन एता गौरादहमा चिसो अत्याधिक बढेकाले स्वास्थ्यको विशेष ख्याल गर्न स्वास्थ्यकर्मीले आग्रह गरेका छन्। चिसो बढ्दै गएपछि बालबच्चा र बृद्धबृद्धालाई धेरै समस्या हुने भन्दै विशेष ख्याल राख्‍न स्वास्थ्यकर्मीले आग्रह गरेका हुन्।