झापा: निजी तथा आवासीय विद्यालय अर्गनाइजेसन नेपाल (प्याब्सन) झापा शाखाको नयाँ कार्यसमितिलाई पद हस्तान्तरण तथा सपथ ग्रहण कार्यक्रम शनिबार सम्पन्न भएको छ।

कार्यक्रम प्याब्सन झापाका निवर्तमान अध्यक्ष गौरीमान फागोको अध्यक्षता र प्याब्सनका केन्द्रीय सल्लाहकार गोविन्द लम्सालको प्रमुख आतिथ्यतामा आयोजना गरिएको थियो।

कार्यक्रममा प्याब्सनका प्रदेश सल्लाहकार एलडी राई, केन्द्रीय सदस्य एलपी उप्रेती, निर्वाचन प्रमुख आयुक्त अमृत बहादुर बुढाथोकी, प्रदेश सचिव कोषराज प्याकुरेल लगायत अन्य पदाधिकारी र सल्लाहकारहरूको पनि उपस्थिति थियो।

नयाँ कार्यसमिति:
• अध्यक्ष: छत्र बहादुर कार्की
• वरिष्ठ उपाध्यक्ष: हरि कृष्ण पाठक
• उपाध्यक्ष: टी.आर. गौतम
• सचिव: लक्ष्मी प्रसाद उप्रेती
• कोषाध्यक्ष: अमृत कुमार तिम्सिना
• सह-सचिव: जीवन सिवाकोटी र बिनोद सुब्बा
• सह-कोषाध्यक्ष: नवराज सुवेदी

नयाँ कार्यसमितिले सपथ ग्रहण गर्दै जिम्मेवारी सम्हाल्ने प्रतिबद्धता जनाएका छन्। कार्यक्रमका अवसरमा अध्यक्ष छत्र बहादुर कार्कीले उपस्थित सबैलाई स्वागत गर्दै प्याब्सन झापाको भविष्यका योजना र दायित्वप्रति प्रतिबद्ध हुने आश्वासन दिएका थिए।

कार्यक्रममा निवर्तमान अध्यक्ष गौरीमान फागोले कार्यकालमा प्राप्त उपलब्धिहरूको स्मरण गर्दै नयाँ नेतृत्वलाई शुभकामना व्यक्त गरेका थिए।

कार्यक्रमको सञ्चालन निवर्तमान सचिव हरि कृष्ण पाठकले गरेका थिए।

नयाँ नेतृत्वले झापाको शिक्षामा नवीनता र गुणस्तर वृद्धिका लागि योजनाबद्ध रूपमा अघि बढ्ने प्रतिबद्धता जनाएका छन्।