प्रयोगात्मक शिक्षण: गणितलाई सरल, रमाइलो र अर्थपूर्ण बनाउँदै उज्वल वसिष्ठ खरेल

जनक न्यौपाने

बिर्तामोड झापा / झापा जिल्लाको अर्जुनधारा निवासी गणित शिक्षक उज्वल वसिष्ठ खरेलले गणित विषयलाई सरल, रमाइलो र अर्थपूर्ण बनाउनका लागि एक प्रभावकारी शिक्षण विधि अपनाउँदै आएका छन्। डेड दशकभन्दा लामो समयदेखि अध्यापनमा संलग्न खरेलले विद्यार्थीलाई व्यवहारिक ज्ञान दिने उद्देश्यले “गरेर सिक्ने” विधि अन्तर्गत परियोजना कार्य र प्रयोगात्मक पद्धतिबाट शिक्षण गरिरहेका छन्।

गणितमा प्रयोगात्मक विधि
खरेलले गणितको जटिल विषयवस्तुहरूलाई विद्यार्थीको दैनिक जीवनसँग जोड्दै सिकाइलाई सहज र प्रभावकारी बनाउने प्रयास गरेका छन्। उनी “गरेर सिक्ने” विधि अन्तर्गत विद्यार्थीलाई विभिन्न परियोजना कार्यहरूमा संलग्न गराउँछन्। यसरी सिकाइ प्रक्रियालाई व्यवहारिक बनाउँदा विद्यार्थीले विषयप्रतिको गहिरो अध्ययन, अनुसन्धान, र संज्ञानात्मक क्षमतामा सुधार गर्न सक्ने खरेलको विश्वास छ।

शिक्षणमा विशेष योगदान
उज्वल वसिष्ठ खरेल झापाको विज्ञान शिक्षक समाज (STAN) का जिल्ला सदस्यसमेत हुन्। यस भूमिकामा उनी स्थानीय विद्यालयहरूमा नयाँ शिक्षण विधिहरूलाई प्रवर्द्धन गर्न क्रियाशील छन्।

सकारात्मक परिणामहरू
उनका अनुसार, प्रयोगात्मक शिक्षण पद्धतिले विद्यार्थीलाई गणितजस्ता चुनौतीपूर्ण विषयप्रति आकर्षित मात्र गर्दैन, उनीहरूको अध्ययनमा पनि पूर्णता ल्याउँछ। साथै, यसले अन्य विषयहरूमा समेत रुचि बढाउन मद्दत पुर्‍याउँछ।

सिकाइमा थप ऊर्जा र प्रगतिको शुभकामना
खरेलजस्ता समर्पित शिक्षकहरूको प्रयासले शिक्षाको क्षेत्रमा नयाँ आयाम स्थापित गरेको छ। उनको प्रयोगात्मक शिक्षण विधिले विद्यार्थीहरूको शैक्षिक यात्रा अझ सफल र अर्थपूर्ण बनाओस् भन्ने कामना।