बिर्तामोडस्थित वीरता जेसीजको अध्यक्ष पदमा युवराज कुँवर

बिर्तामोड, ९ फागुन : बिर्तामोडस्थित वीरता जेसीजको अध्यक्ष पदमा युवराज कुँवर निर्विरोध निर्वाचित हुनु भएको छ ।
वीरता जेसीजको ४४ औँ अधिवेशन तथा साधारण सभाबाट कुँवर सन् २०२५ का लागि निर्विरोध निर्वाचित हुनु भएको हो ।

अध्यक्ष पदका तीन उम्मेदवारमध्ये अध्यक्ष पदका तीन उम्मेदवारमध्ये सुरज चौधरी र दिवाकरलाल चौधरीले ककस प्रक्रियामा भाग नलिएपछि कुँवर निर्विरोध निर्वाचित भएको
घोषणा गरिएको निर्वाचन अधिकृत घनश्याम चौधरीले जानकारी दिनु भयो।

ककसमा सहभागी नहुने उम्मेद्वारको उम्मेद्वारी स्वतः खारेज हुने जेसीजमा व्यवस्था छ । वीरता जेसीजको कार्यकारिणी उपाध्यक्षमा प्रभात मास्के र सुमनकुमार पोद्धार निर्विरोध निर्वाचित हुनु भएको छ ।वीरता जेसीजको सम्पूर्ण पदमा निर्विरोध निर्वाचित भएको घोषणा गरिएको हो।

वीरता जेसीजको संयुक्त सचिवमा सुमन तिखत्री, उपाध्यक्षहरूमा पुष्प भण्डारी, शुभम शाह, अजय कुमार चौधरी र अजय अधिकारी निर्विरोध निर्वाचित हुनु भएको छ ।
त्यस्तै जनसम्पर्क अधिकारीमा अभिषेक गहतराज र तालिम संयोजकमा सुशील थापा निर्विरोध निर्वाचित हुनु भयो ।

जेसीजको विधान अनुसार कानुनी सल्लाहकार, महासचिव, कोषाध्यक्ष र सहकोषाध्यक्ष अध्यक्षले मनोनित गर्ने व्यवस्था रहेको छ भने निवर्तमान अध्यक्ष बोर्डको पदेन सदस्य हुने व्यवस्था रहेको छ।