बिर्तामोडमा अन्तर्राष्ट्रिय औद्योगिक व्यापार महोत्सव माघ ८ गतेदेखि माघ १९ गतेसम्म आयोजना हुने भएको छ। बिर्तामोड नगरपालिका वडा नम्बर ५ मा हुने यो महोत्सवको बारेमा आज पत्रकार सम्मेलन गरी जानकारी गराइएको छ।

महोत्सवको आयोजना बिर्तामोड उद्योग संघले गरेको हो। कार्यक्रमको उद्देश्य स्थानीय उद्योग, व्यापार, तथा व्यवसायलाई प्रवर्द्धन गर्दै आर्थिक क्रियाकलापलाई सशक्त बनाउने रहेको आयोजकले जनाएको छ।

यो महोत्सवमा विभिन्न उद्योगी, व्यवसायी, कृषक, तथा सेवाप्रदायकहरूको सहभागिता रहनेछ। साथै, मनोरञ्जनात्मक कार्यक्रम, सांस्कृतिक प्रस्तुति, र व्यापार प्रवर्द्धनका प्रदर्शनीहरू पनि राखिने योजना छ।