झापाको हल्दिबारी-२ मा अवस्थित श्री नव सृजना प्राथमिक विद्यालयका पूर्व विद्यार्थी श्री अश्विन प्रसाद उप्रेतीले आफ्नी आमाको ७४औं जन्मदिनको अवसरमा विद्यालयमा छात्रवृत्ति अक्षयकोष स्थापना गरेका छन्। उनले आफ्ना बुबा आमा श्री नरपति (रामप्रसाद) र द्रौपदा उप्रेतीको नाममा रु ५१,५५५/- (एकाउन्न हजार पाँच सय पचपन्न रुपैयाँ) को अक्षयकोष स्थापना गरी विद्यालयलाई उक्त रकम हस्तान्तरण गरे।

कार्यक्रममा श्री अश्विन प्रसाद उप्रेतीले अक्षयकोष स्थापना गर्नुको उद्देश्यबारे चर्चा गरे। विद्यालयका पूर्व प्रधानाध्यापक श्री भीमप्रसाद उप्रेतीले दाता परिवारप्रति धन्यवाद व्यक्त गरे। कार्यक्रममा शिक्षक श्री शान्ता पोखरेलले स्वागत मन्तव्य राखेका थिए भने विद्यालयका प्रधानाध्यापक श्री भीम दाहालले कार्यक्रम सञ्चालन गरेका थिए।

उक्त अक्षयकोष विद्यालयका विद्यार्थीहरूको शैक्षिक विकासका लागि महत्वपूर्ण कदम हुने विश्वास गरिएको छ।