अन्तर पालिका स्तरिय क्तृत्वकला प्रतियोगितामा खञ्जन राजवंशी प्रथम

Advertisement

मनिष बराल। दक्षिणी झापाको कचनकवल गाउँपालिकाकि छात्रा खञ्जन राजवंशी आज सम्पन्न भएको जिल्ला स्तरिय वक्तृत्वकला प्रतियोगितामा प्रथम भएकी छिन् ।

जिल्ला बाल सञ्जाल झापाको आयोजना तथा शिवसताक्षी नगरपालिकाको समन्वय एवं आर्थिक सहयोगमा ५९ औँ राष्ट्रिय बाल दिवसको अवसरमा आयोजित अन्तर पालिका स्तरिय वक्तृत्वकला प्रतियोगितामा झापा जिल्ला भरिका प्रतियोगीहरु मध्ये उत्कृष्ट प्रतिभा प्रस्तुत गर्दै उनी प्रथम बन्न सफल भएकी हुन् ।

जिल्ला समन्वय समिती झापाका प्रमुख विश्वनाथ बरालको प्रमुख आतिथ्यता, शिवसताक्षी नगरपालिकाका प्रमुख मेगाहाङ्ग थोप्रा को विशेष आतिथ्यता, झापाका विभिन्न पालिकाका शाखा प्रमुख,कर्मचारीहरु,पालिका स्तरिय बाल सञ्जालका पदाधिकारी तथा बालबालिका शिक्षा तथा सञ्चार मञ्चका अध्यक्ष सरोज पौडेलको आतिथ्यमा उक्त कार्यक्रम शिवसताक्षी नगरपालिकाको सभाहलमा सम्पन्न भएको हो ।

प्रथम भएकी कचनकवलकी छात्रा खञ्जन राजवंशीलाई नगद रु १०,०००, मेडल, ट्रफी र प्रमाणपत्र द्वारा सम्मान सहित पुरस्कृत गरिएको थियो ।

Advertisement