बाह्रदशीका शिक्षकहरूले आन्दोलनबाट भएको शैक्षिक क्षतिको परिपूर्तिको लागि दसैँ बिदामा विद्यालय लगाउने

काठमाडौँ केन्द्रित आन्दोलनमा विद्यालय बन्द गरेर गएका बाह्रदशीका शिक्षकहरूले आन्दोलनबाट भएको शैक्षिक क्षतिको परिपूर्तिको लागि दसैँ बिदामा विद्यालय लगाउने भएका छन् ।उनीहरूले असोज ४ र ५ गते नेपाल शिक्षक महासंघको आयोजनामा भएको काठमाडौँ केन्द्रित आन्दोलनबाट भएको शैक्षिक क्षतिको परिपूर्तिको लागि असोज २९ र ३० गते दसैँ बिदामा विद्यालय सञ्चालन गर्ने भएका हुन् । आन्दोलनले सामुदायिक विद्यालयहरूमा बालबालिकामा पर्न गएको शैक्षिक क्षतिलाई पुरा गर्न दसैँ बिदामा नियमित पठनपाठन गरिने प्रेस विज्ञप्तिमार्फत जनाएका छन् ।बाह्रदशीका १६ वटा विद्यालयका प्रधानाध्यापकहरुले संयुक्त प्रेस विज्ञप्ति जारी गरी सरोकारवालाहरुसंग त्यस्तो प्रतिबद्धता जारी गरेका छन् ।