बिर्तामोडस्थित मनकामना कलेजको बीएड तेस्रो वर्षमा अध्ययनरत सम्झना कोठामा मृत भेटिइन्

Advertisement

बिर्तामोड झापा /झापाको बिर्तामोडस्थित मनकामना कलेजको बीएड तेस्रो वर्षमा अध्ययनरत एक जेहेन्दार छात्रा मृत भेटिएकी छन् ।

इलाम जिल्ला सूर्योदय नगरपालिकाको लक्ष्मीपुर घर भएकी २४ वर्षिया सम्झना राई आज बिहान ११ बजे बिर्तामोड १ स्थित आफू बस्दै आएको कोठामा मृत भेटिएकी हुन् । उनी झुन्डिएको अवस्थामा भेटिएकी हुन् ।

उनले आत्महत्या गर्नुको कारण खुलिसकेको छैन । त्यसबारे अनुसन्धान भइरहेको इलाका प्रहरी कार्यालय बिर्तामोडले जनाएको छ । ‘आफूले आफूलाई प्रमाणित गरेर देखाउनुपर्छ’ भनेर सामाजिक संजालमा उनले अन्तिम पोष्ट गरेकी थिइन् मृतक संझना कलेजकै स्मार्ट, खेलकुदमा दख्खल भएकी र जेहेन्दार विद्यार्थी रहेको हेड अफ डिपार्ट कुमार थपलियाले बताए ।

Advertisement