हल्दिबारीमा रहेको श्री शान्तीबाटिका महिला कृषि सहकारीको १८ औं
साधारणसभा सम्पन्न

हल्दिबारी/ झापाको हल्दिबारी गाउँपालिका अन्तर्गत रहेको श्री शान्तिबाटिका महिला कृषि सहकारी संस्थाको १८ वार्सिक साधारण सभा आज एक औपचारिक कार्यक्रम का बिच सम्पन्न भएको छ।

शारदा लिङदेनको अध्यक्षतामा भएको कार्यक्रमको प्रमुख अतिथि हल्दिबारी गाउँपलिका अध्यक्ष रबिन्द्र प्रसाद लिङदेनको रहेको थियो । यसैगरी अतिथीहरुमा हल्दिबारी २ नम्बर वडा अध्यक्ष सुकुलाल राजवंशी ,हल्दिबारी साना किसान चिया सहकारी सस्था का अध्यक्ष हर्क तामाङ, एकता बहुउद्देश्यीय सहकारी सस्थाका हरि कृष्ण अधिकारी, हल्दिबारी रेडक्रस शाखा का अध्यक्ष कठ्नखर प्रसाईं लगायत को अतिथिय्ता साथै शुभकामना मन्तव्य सम्मेत राखेका थिए ।

प्रमुख अतिथी लिङदेनले कार्यक्रमलाई सम्बोधन गर्दै भने” सहकारी सहकारी मात्र नहोस् जनताको सहकारी बनोस् ।आगमी दिनमा गाउँपालिका सङ पनि सहकार्य गरेर विभिन्न कार्यक्रम गर्दै जानू पर्ने जोड गरे”।

कार्यक्रममा विभिन्न संघ सस्थाका प्रतिनिधि साथै सहकारी बचत कर्ताहरु को सहभागिता रहेको थियो।

कार्यक्रममा कमला खरेलले स्वागत मन्तव्य राख्नु भएको थियो भने कार्यक्रम संचालन लक्ष्मी सिवाकोटीले गर्नु भएको थियो।