बिर्तामोड झापा / बिर्तामोडमा रहेको होटेल हिकोला हेरिटेज प्रा. लि. ले सोमबार, ३ गते आफ्नो १०औं वार्षिक उत्सवको अवसरमा विशेष कार्यक्रम सम्पन्न गरेको छ। यस अवसरमा “पर्यटन प्रवर्द्धनमा हिजो, आज र भोलि” विषयक विशेष अन्तरक्रिया तथा १०औं वार्षिक उत्सवको अवधिभरका अनुभव र अनुभूति सम्बन्धी कार्यपत्र प्रस्तुत गरिएको थियो।

कार्यक्रममा होटेलका सञ्चालक देवी भक्त श्रेष्ठले पर्यटन प्रवर्द्धनमा होटेलको योगदान र आगामी योजनाहरूको बारेमा आफ्नो धारणा राखेका थिए! उनले विगत १० वर्षको यात्रा, चुनौतीहरू, र उपलब्धिहरूको चर्चा गर्दै आगामी दिनहरूमा थप प्रभावकारी रूपमा पर्यटन क्षेत्रको विकासमा लागिपर्ने प्रतिबद्धता व्यक्त गरेका थिए !

सञ्चारकर्मीहरूसँगको अन्तर्क्रियामा श्रेष्ठले होटेल हिकोला हेरिटेजको सफलताको कथा, भविष्यका योजनाहरू र क्षेत्रीय पर्यटन प्रवर्द्धनमा होटेलको भूमिकाबारे जानकारी गराएका थिए। कार्यक्रमले पर्यटन क्षेत्रमा संलग्न विभिन्न व्यक्तित्वहरूलाई पनि एक साथ ल्याएको थियो, जसले वार्षिक उत्सवलाई थप अर्थपूर्ण बनाएको थियो !