बिर्तामोडमा विश्वेश्वर प्रसाद कोइरालाको ४२ औं स्मृति दिवसमा दीप प्रज्वलन कार्यक्रम सम्पन्न

Advertisement

बिर्तामोड / झापाको बिर्तामोडमा आज साँझमा विश्वेश्वर प्रसाद कोइरालाको ४२ औं स्मृति दिवसमा दीप प्रज्वलन कार्यक्रम सम्पन्न भएको छ्!

नेपालका प्रथम जननिर्वाचित प्रधानमन्त्री एवं नेपाली काँग्रेसका संस्थापक नेता, जननायक विश्वेश्वर प्रसाद कोइरालाको ४२ औं स्मृति दिवसको अवसरमा बिर्तामोडमा दिप प्रज्वलन कार्यक्रम सम्पन्न भएको हो ।

स्मृति दिवसको अवसरमा आयोजित उक्त कार्यक्रममा नेपाली काँग्रेसका नेताहरु, नेविसंघ र तरुण दलका नेताहरु र सर्वसाधारणको उपस्थिति रहेको थियो। कार्यक्रममा विश्वेश्वर प्रसाद कोइरालाको योगदानको स्मरण गर्दै उनलाई श्रद्धाञ्जली अर्पण गरिएको थियो।

कार्यक्रममा सहभागीहरुले उनको विचार र दर्शनलाई वर्तमान राजनीतिक परिप्रेक्ष्यमा अझै सान्दर्भिक रहेको बताउँदै उनको आदर्शलाई अनुकरण गर्नुपर्ने आवश्यकता औंल्याए। दीप प्रज्वलन समारोहमा सामाजिक अगुवाहरु तथा सर्वसाधारणको उल्लेखनीय सहभागिता रहेको थियो।

Advertisement