सोमबार प्याब्सन झापाको आयोजनामा भएको बृहत सांस्कृतिक कार्यक्रममा गायन विधातर्फ जिल्ला प्रथम भएकी मासुम लिम्बुलाई पारिजात पब्लिक स्कुलले भव्य सम्मान गरेको छ।

जिल्ला प्रथम भएको खुसीयालीमा स्कुलले आयोजना गरेको कार्यक्रममा विद्यालयका प्रधानाध्यापक शिक्षक तथा विद्यार्थीहरुले लिम्बुलाई बधाई तथा आगामी पौष २४ गते हुने प्रदेश स्तरीय गायन प्रतियोगितामा सफलताको शुभकामना दिएका छन्।

कार्यक्रममा बोल्दै विद्यालयका प्रधानाध्यापक विनोद कुमार श्रेष्ठले मासुम लिम्बुको लागि आवश्यक साथ र सहयोग गर्न सम्पूर्ण महानुभावहरुमा आह्वान गरेका छन्।