एमाले हल्दिबारी गाउँ कमिटीद्वारा जन श्रमदान तथा जागरण अभियानको सुरुवात

नेपाल कम्युनिस्ट पार्टी (एमाले) हल्दिबारी गाउँ कमिटी अन्तर्गतका पाँचै वडामा आजदेखि जन श्रमदान तथा जागरण अभियान औपचारिक रूपमा सुरु गरिएको छ।

वडा नं १ मा आयोजित एक विशेष कार्यक्रममा हल्दिबारी गाउँ कमिटीका अन्तर–सहजकर्ता नरेश चुडालको प्रमुख आतिथ्यतामा अभियानको उद्घाटन गरिएको हो। सो अवसरमा हल्दिबारी गाउँपालिकाका अध्यक्ष त्रिलोचन सापकोटा, स्थानीय जनप्रतिनिधि, पार्टीका नेता तथा कार्यकर्ताहरूको बाक्लो उपस्थिति रहेको थियो।

गाउँपालिका अध्यक्ष सापकोटाका अनुसार, यो अभियान हल्दिबारी गाउँपालिकाका पाँचै वडामा एकैसाथ सुरु गरिएको हो र कात्तिक २९ गतेसम्म निरन्तर रूपमा सञ्चालन गरिनेछ।

उद्घाटन कार्यक्रम वडा नं १ का कमिटी अध्यक्ष सोमनाथ सुवेदीको अध्यक्षतामा सम्पन्न भएको थियो।