बिर्तामोड, झापा फागुन २ / बिर्तामोड नगरपालिका–५ स्थित पुनरजन्म सुधार गृहमा बस्दै आएका ३७ वर्षीय उमेश राजवंशी अचानक बेहोस भएपछि उपचारका लागि अस्पताल लगिएको बुझिएको छ !

सुधार गृहमा करिब तीन महिना अघि आएका राजवंशी बेहोस भएको खबर पाएपछि सुधार गृहका प्रतिनिधिहरूले उनलाई राति नै बी एण्ड सी अस्पताल बिर्तामोड पुर्‍याएका तर, अस्पताल पुर्‍याइएका उनलाई चिकित्सकले जाँच गरेपछि मृत्यु भइसकेको घोषणा गरेको  स्रोतले बताएको छ !

अस्पतालका चिकित्सकले मृत घोषित गरेपछि सोही अस्पतालमा कार्यरत कर्मचारीले राति नै इलाका प्रहरी कार्यालय अनारमनीलाई जानकारी गराएको र जानकारी पाएपछि प्रहरी टोली तत्कालै अस्पताल र घटनास्थल पुगेर अनुसन्धान अघि बढाएको इलाका प्रहरी कार्यालय अनारमनीले जनाएको छ।

हाल मृत्युको कारण खुल्न नसकेको र अनुसन्धान जारी रहेको प्रहरीको भनाइ छ।