बिर्तामोड झापा / नेकपा एमालेको ११औँ महाधिवेशनका लागि झापा–२ मा सम्पन्न प्रतिनिधि चयन निर्वाचनमा खगेन्द्र राज आङदाम्मेले प्रभावशाली जीत हात पारेका छन्।

आङदाम्मेले २ जना युवा तर्फका उम्मेदवार रोजिना पाण्डे र सुमन नेम्माङलाई ठूलो मतान्तरले पछि पार्दै कुल १,४७७ मत प्राप्त गर्दै विजयी भएका हुन्।प्रतिस्पर्धीमध्ये रोजिना पाण्डेले २६८ मत,सुमन नेम्माङले ६२७ मत प्राप्त गरी पराजित भए।

मत परिणाम सार्वजनिक भएपछि आङदाम्मेका समर्थकहरू उत्साहित बनेका छन्। स्थानीय स्तरमा सक्रिय युवा नेतालाई मिलेको यस विजयलाई संगठन सुदृढीकरणको महत्वपूर्ण संकेतका रूपमा हेरिएको छ।