बिर्तामोड झापा / डोरीतान खेललाई व्यवस्थित रूपमा विस्तार गर्दै प्रतिभाशाली खेलाडी उत्पादन गर्ने उद्देश्यसहित जिल्लास्तरीय डोरीतान च्याम्पियनशिप २०८२ झापाको हल्दीबारीमा आयोजना हुने भएको छ। नेपाल डोरीतान संघ जिल्ला समिति झापा तथा जेसिज हल्दीबारीको सहआयोजनामा हुने प्रतियोगिता मंसिर ११ गते हल्दीबारी–५ मा रहेको कन्चन्श्री मा रहेको मोति आधारभूत विद्यालय को खेल मैदानमा सञ्चालन गरिने आयोजकले आज बिर्तामोडमा पत्रकार सम्मेलन गर्दै जनाएको छ।

प्रतियोगिता अन्तर्राष्ट्रिय डोरीतान महासंघ (TWIF) को नियमावली अनुसार सञ्चालन गरिने सम्मेत जनाएको छ । आयोजकका अनुसार जिल्लाभरका विभिन्न ठाउँबाट १८ टोली प्रतियोगितामा सहभागी हुने अपेक्षा गरिएको छ।

प्रतियोगिताबाट विजयी टोलिहरूले ट्रफी, मेडल, प्रमाणपत्र तथा अन्य सम्मान प्राप्त गर्नेछन्। र पहिलो पुरस्कार  नगद एकाउन्न हजार रहेको र  अवधिभर सुरक्षादल, स्वास्थ्यकर्मी, स्थानीय स्वयंसेवक, विद्यालय, सामुदायिक संस्थाहरूको सक्रिय सहयोग रहने आयोजकले जनाएको छ। यस कार्यक्रम को अनुमानित खर्च ९ लाख ८२ हजार रहेको सम्मेत आयोजकले जानकारी दिएको छ ।